الشاب السعودي

الخميس أغسطس 13, 2009 6:30 am تقييم المساهمة: 100% (1)

[size=18]

[right][b]السلام عليكم

الحين حبيت اتناقش معاكم بموضوع الشاب السعودي واتمنى ان الكل يشارك فيه وتعطوني رايكم...وبكل صراحه

كلنا سمعنا عن مازن عبد الجواد وكلنا تضايقنا من وجود شخص في بلدنا بهالسوء والكلام اللي ابي اقوله مو دفاع عنه لا بالعكس هو اخطأ ولازم يتحمل نتيجة خطأه بس ليش هو الشخص الوحيد اللي يتحاسب على خطأه؟ ليش مو كل من شارك في جريمته يتحاسب؟
انا شفت مقطع اليوتوب وكان كلامه جريء كثير بس لازم نشوف مشكلته ونحلها من جذورها مو ننظر بس الى هالشخص على انه هو الوحيد اللي اذنب وعلى فكره فيه مثله كثير في السعوديه بس الفرق مابينه ومابين الكثير اللي يسوون مثله انهم مااعلنوا هالشي وقالوه لناس وانا مااشوه الشباب السعودي بالعكس في شباب عندنا ينحطوا عالجرح يبرأ من كثر ماهم موأدبين وخلوقين ومتربيين نرجع الى موضوعنا قلت من قبل ان مو بس هو اللي اذنب في اشخاص ثانيه لازم تتحاسب على اللي سواه لانهم شاركوا في جريمته وهم الاهل اول شي والمجتمع ثاني شي واذكر ان هالموضوع اللي جيت اتناقش معاكم فيه مو دفاع عن مازن بس الهدف منه ان جميع من شاركه من بعيد او قريب لازم يتحاسب...قلت ان الاهل والمجتمع لازم يشاركوا في عقاب هالشخص لان احنا اصلا في مجتمعنا كل شي فيه عيب ومايصير سواء للبنت او لشاب مثل الثقافه الجنسيه مثلا هذا الشي في مجتمعنا عيب بس الحين الكل عنده فضول حول هالشي حتى الولد الصغير اللي عمره سنتين يحاول يفهم وآسفه على هاللفظ بس هذا هو الواقع وروحوا اسألوا الامهات اللي عندهم عيال في هالعمر الولد يحاول يلمس نفسه ويسأل امه شنو هذا وانا شفت وسمعت بنفسي الولد يسأل امه عن اللي في جسمه هذا بعمر السنتين في سن المراهقه الشاب يصير عنده صراع بين الحلال والحرام مابين رغبات جسمه ومابين عقله وشنو يقول له ولما يجي يسأل احد امه او ابوه يقولوا له عيب تقول هالكلام طيب ليه عيب ماهذا الشي حاله حال الاكل والشرب شي بجسمنا ونحتاجه ولازم يكون عندنا وعي كيف نعرف نجواب على اولادنا لما يسألوا اسأله زي هذي لازم نعرف كيف نوعي اولادنا على الثقافه الجنسيه انا ماقلت نقول لهم كل شي بالتفصيل الممل بس بعض المعلومات ممكن تعطيهم فرصه انهم مايلجأوا الى الشي الغلط ولازم نكون قريبين من عيالنا عشان حتى لو غلطوا هم بيقولوا لنا انهم غلطوا وحتى هم بيصير عندهم رقيب ذاتي هو اللي بيتعلم كيف يقول لا لنفسه المهم انا ابي اقول ان المفروض الكل يتحاسب منهم البنات اللي كانوا يروحوا معاه الشقه والجارة اللي مارست معاه الجنس بدون ماتفكر انه لما يكبر شنو بيكون مصيره وشنو بيصير فيه بسبب ارتكابه هالجريمه والمجتمع اللي يعيش في حاله ان كل شي لازم يصير بالخفى وللأسف ان حتى الشي الصح يصير بالخفى اما بالنسبه الى برنامج احمر بالخط العريض فهو مايعرض اشياء من الهوا ولايشوه المجتمع السعودي هو يعرض اشياء من واقعنا من واقع حياتنا بس للاسف لانها قالت وعرضت مشاكلنا وقالت شي من واقعنا فهي مذنبه ومايدروا ان هذا البرنامج قاعد يحل كثيــــــــــــــــر من مشاكلنا وكثير اللي استفادوا منه وانا اولهم ولو البعض يشوفه انه برنامج يخرب عقول الناس وانه غزو فكري زي ما البعض اسماه فهذا لانهم هم يبغوا يشوفوه جذي بس عشان اخذ المشاكل اللي ماقدر احد يتكلم فيها لانها جريئه بس مهما انقال فهذا موجود في واقعنا وفي مجتمعنا وعشان جذي هالبرنامج انتقد من الكثير بس ابغى اقول انه الكثير من الناس استفادت منه وساعدهم في حل مشاكلهم سواء الجنسيه او غيرها...

طولت عليكم بس اتمنى ألاقي مناقشه جادة وصريحه من الكل لان في اشياء كثير لازم تتغير وهذا الشي يعتمد علينا احنا..احنا اللي لازم نغير ونتطور ونفهم ان مو كل شي نشوفه نفهمه مثل مااحنا شفناه لازم نعرف وش داخل هالشي او هالشخص او وش اللي خله شخص مثل مازن وغيره يسوون هالشي وغيره من الاشياء الغلط [b]

تذكير::::::هالموضوع هدفه المناقشه فقط وليس لتشويه المجتمع السعودي او الدفاع عن الشاب مازن

تحيـــــــــــــاتي