الملك وبناته هههههههه

الخميس نوفمبر 12, 2009 12:30 am

الرحيم
السلام عليكم هذه قصه بتموت ضحك
كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم له. جاب الكبيرة وقالها : يابا يا حبيبتي ايش كبر حبك لابوك الملك .
البنت من غير تفكير : بحبك قد ما السمك بيحب البحر .
الملك فكر وقال في باله : ايه و السمك بيقدر يعيش بدون بحر . هاذي البنت بتحبني كثير . وقال لها : انا كنت عارف انك تحبيني بس مو لهالدرجة . وقام اعطاها قصر كبير ومجوهرات .

جاب البنت الثانية وسألها نفس السؤال . فقالت له : احبك قد ما الطير بيحب السماء . انبسط الملك وكيّف (( استانس )) . واعطاها قصر جنب اختها ومجوهرات
بعدين جاب البنت الصغيرة (( اخر العنقود اللي بيموت فيها )) وسألها نفس السؤال . قامت جاوبته : احبك قد ما الدقة (( زعتر )) بتحب الشطة
الملك زعل وعصب وقام عطاها كف. ومسكها من شعرها ورماها برا القصر. وما رضى يسمع منها ولا نص كلمة. البنت دارت بالحواري وعلى ارصفة الطرقات وتسمع كلمة من هاذا وكلمتين من هذاك . لمين ماجاها مزارع مسكين حبها وحبته وراحوا تزوجوا و سكنوا بالكوخ حقه اللي بنص الغابة .

ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قال بدخل برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة...
مرته مش خافي عليها الصوت ........ قام الزلمة بيقول للمرة اذبحيلنا دجاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة
بدت تشتغل بالدجاجات وخطر على بالها فكرة . نادت زوجها وقالتله خذ شوية الدقة ( يعني زعتر ) هاذا مع صحن زيت سلكو فيهم على بين ما يخلص الاكل شكله الملك ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة (كمان زعتر) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟

وفجأة اتذكر بنته الصغيرة وصار يعيط زي الهبايل . قاله الزلمة :. شو مالك يا زلمة
انت العاقل . كل هاد مشان شوية دقة ( زعتر يا جماعة ) الحين الدجاج بيخلص . قلعطتني ( هاي ما بدها شرح ) . شو. راح الملك حكى للزلمة القصة . وهو خلص من هون نطت البنت وقالت : بخخخخ كيفك بابا ؟ عرفت قد ايش بحبك يا فالح . ؟؟؟؟؟؟؟

وهيك عرف الملك قد ايش بتحبه بنته . وجابتله دقة بشطة . طبعا ما اكل منها ولا لقمة لانه نزل بالدجاج جرد

واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده
وتوته توته خلصت الحدوتة....
ومع السلامه
الملك وبناته هههههههه 797596