على قد زعلى منك بس انا زعلان عليك

الثلاثاء يونيو 14, 2011 10:49 pm

على قد زعلى منك..بس أنا زعلان عليك..

أهو بسمع ايه جرالك..وبستعجب عليك..

رغم إنك سبت فيا..دموع حزن وآسيه..

مش بنسى العشره بينّا..والدم ماكنش ميه..

على قد ماحز فيا..اللى بشوفه بعينيه..

وبقيت كده حد تانى..

مجروح برضه وأنانى..

مش جاى عشان وحشتك..

أو متعذب لوحدك..

لا جاى تعيش لراحتك..

وتدور على مصلحتك..

لو كان مش كده تنسانى..

لساك برضه أنانى..

أنا بالنسبالك ايه..

غير اللى بقول عليه..

مش قلب وحب وعشره..لاء..حضن بترتاح فيه..

أنا بحلم إنى هواك..وح أقضى العمر معاك..

لااتغيّر ولا أنساك..بس أنت شايفنى علاج..

ترمى همومك وآساك..على حد بيتمناك..

والحب دا عمرو قصير..

من أصغر شىء يتغير..

ولا يستحملش آلام..

بيضيع ويا الايام..

ماهو وهم من الاوهام..

علشان عايش بحالات..وبيحصل منو حاجات..

لا بيغفر ولا بيقرب..ولا يقبل تضحيات..

لو كان حبك للراحه ..مش عشق الروح والقلب..

ماهى كل الناس مرتاحه..والراحه شىء مش صعب..

وخلاص قلت اللى عندى..

وده..آخر حل عندى..

لو مش زعلان عليك..

كنت ماتفرقش عندى..

على قد زعلى منك بس انا زعلان عليك 83582