مساجات جرح واحزان

الخميس نوفمبر 11, 2010 10:07 pm

*************************
تنداس دنيا الحب
بتراب تنداس
وينداس قلب
ما وفى مع خويه
*************************
اليوم قدرك مايسوى
ماطا الاقــــــدام
حبك بقلبي مــات
وأعلن رحيله
***************************
بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن أذكر سواياك
***************************
لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك
***************************
لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك
***************************
وفر كلامك وورني عرض الاكتاف
قلبي كره هجرك ولاهو بمجبرو
ترى القلوب بطبعها شي شفاف
الكسر فيها صعب تلقلا له جبور
ولاتحسب اني من الهجر بخاف
ياشيخ خذ حبك وقلبك ومشكور..!!
******************************
خلك مع اللي بالكذب يعطيك
وانا ترى بلقى ملايين تسواك
لا تحسب اني برخص النفس وارجيك
ما اذل نفسي لمثلك وشرواك
يحرك علي وصلك وقربك ولا اجيك
العيد عيدين وثالثهم يوم فرقاك..!!
********************************
يـنـدمل جرح قلب ماتت احلامـة
بس ماضن يبرا جرح الاحـساسي
يـوم صارت مابيـن القـلب والهامة
ويش ابـي بالحـياة اليا انـحـنى راسي..!!
*********************************
ما اطـيـع حـتى تقـطع انـفـاسي
زانت ايام عمري شانت ايامة
مارجيت العزاء مـن رحـمة الـناسي
مـن عجز لا يدوس الهم بقــدامة
لازم انه مع الايـام ينـداسي..!!
*******************************
اقرأ معانات قلبي وسط جوالك
نتايج الصد حللها وفسرها
مانامت العين ليلة سبت اهمالك
كن الرسايل تضرك في خسايرها
حتى البريد اشتكى من كثر ماجالك
اعظم رسايل تجيلك ماتعبرها..!!
******************************
عزاه صرنا نلتقي مثل الأغراب..
عقب الغلا كلن بوجه يصدي..
من عقب ماحنا عزيزين وأصحاب..
اليوم كلن صد قصده تحدي..
لكن يطول الوقت وتعرف الأسباب..
تندم على وقتن مضى كنت ضدي..!!
**********************************
تحسب انه بغيابك بذكرك فى كل حزه ..
وأتندم..وأترجى..وأعتذر..وأبوس راسك..
للأسف كنت زقاره تنتهى فى كم مزه ..
وانتهيت وماطفيتك واحرقك غيرى وداسك..!!
*************************************
لحظه حبيبي وقف هناك بالدور..
مانيب فاضي يمكن افضي لك اشوي!!
لازم تذوق المر وتعيش مكسور..
واكويك من جمر الهوى لاغدى حي..
ولو بعتلي عمرك فلا قلت مشكور..
لانك بعيني صرت كلك ((ولاااا شي))!!
********************************
هذي هي الدنيا متاهات وأحزان
كلن يــــــدور راحته ما لقاهـــا
تبي لها صبر مع شوي نسيــــان
مع ضحكة تخفي دموعك وراهـا..!!
******************************
فوق الجروح اللي بقلبي من سنين
يكفي دخيل الله لا تجرحوني
ما دامكم ما أنتم لجرحي مداوين
أنسوا وجودي بينكم وتركوني
وش من عذابي والعناء مستفيدين
وش مصلحتكم يوم تذرف عيوني..!!
*****************************
أرجوك لا تطري عذابك لغاليك
يكفي جروحه داخل القلب وايد
والله أحبك ياعذابي وأغليك
بس الزمن يفرض علينا نتباعد
يعز علي أغيب عنك وأخليك
يعز علي أشوف هالوقت جاحد
بكره تمر أوقات غيري تنسيك
ويمر أسمي تالي العمر بارد..!!
***************************
أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد
ليت الوداع يموت لا جيت أودعك
ولا نموت أثنين في وقت واحد..!!
*******************************
عرفتك وأنتهت رحلة قساوة
دربي المهجور
والا يا جملة أيام..
الجفا
والصد
مشكــــورة
وإذا كانت مسافات الخيانة
للغـــرام
قبــــور
وش اللي يجبر العاشق..
يخون
ويحفر قبوره؟؟
**************************

شرااايكم ؟؟!!!!!!!

مساجات جرح واحزان 254184

الأحد نوفمبر 14, 2010 7:27 am

الليل صاحبي
والدمع صاحب عيني
ماني قليل اصحاب يا ناسيني
مساجات جرح واحزان 404842

******

شكرا علي الموضوع او بالاحرى المسجات الرائعة
وربي يجعلها اخر مسجات حزن وهم تشوفيها

الإثنين نوفمبر 22, 2010 1:32 pm

لاتذكر الدمع كافي احزان انا الي الزمان فرق بيننا سويه
اشكي الحال للناس والدار ترد صدى في نسمه هفيه

تسلم ايدينك ياقمر

الإثنين نوفمبر 22, 2010 1:48 pm

اكتب في زماني تاريخ دمعتي وارفق مع الدمعه هديه
تدري الحب لوعه وتجريح وانا مااحتمل صده وبرسله تحيه واعتذار عساه يرفق في خويه....تسلمي حياتي..مره عجبني

أرجوك لا تطري عذابك لغاليك
يكفي جروحه داخل القلب وايد
والله أحبك ياعذابي وأغليك
بس الزمن يفرض علينا نتباعد
يعز علي أغيب عنك وأخليك
يعز علي أشوف هالوقت جاحد
بكره تمر أوقات غيري تنسيك
ويمر أسمي تالي العمر بارد..!!

أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد
ليت الوداع يموت لا جيت أودعك
ولا نموت أثنين في وقت واحد..!!