الرئيسية
أحدث الصور
التسجيل
دخول
دموع بلا عنوانمشرف عام
العمر : 33
التقييم : 1
نقاط النشاط : 5299
عدد المشاركات : 387
تاريخ التسجيل : 01/04/2011
الدولة :
مالك يا أبن بلدي قالب وشك ليه؟
الخميس ديسمبر 29, 2011 9:12 am
مالك يا أبن بلدي قالب وشك ليه؟
مش أنت يوم ما الثورة قامت قمت و قلت هيييييه؟
ورقصت في الشارع وقلت بقينا أحرار يا بيه
وأنت أصلاً محدش قالك حرية يعني أيه
وأن الحرية مش بس حقك اللي عمّال تدور عليه
وبعدين تنسي واجبك اللي أهملته و مفكرتش فيه
وراجع بعد كده تستغرب, هيا البلد ماتغيرتش ليه
طب أسمحلي أقولك يا بيه من يوم الثورة عملت ايه؟؟؟
عملت بأسم الثورة كشك عشان تبيع سجاير
ولزقت ستيكر الشهدا بتوع 25 يناير
اللي الفكيك اكتشف أنهم ماتوا في أحداث يناير
وعالأرض الزراعية قلت فرصة وبنيت عماير
وعملت للثورة لحاف ومش بعيد تعمل ستاير
وكأن الثورة قامت لأجل الفلوس مش للضماير
بعد الثورة أنت قلت كلام كتير مية ميه
وعشانها هتغير عشان مصر البهيه
لكن كانت المفاجأة أن أخلاقك هية هيه
وكلها كام يوم ورجعت ريما لعادتها الأولانيه
وبقيت تشكي من البلطجة وأحنا كلنا بلطجيه
أصل أحنا أحسن ناس تصقف وأجدع مطبلاتيه
تكونش فاكر الفهلوة هتاخدك للعالمية؟
ده مفيش بلد بتتقدم وأغلب سكانها فهلويه
ده أحنا عشان نتقدم عايزين عزيمة قوية
أتفرج عاليابان وشوف خيبتك القوية
يضربها نووي، اعصار، بركان وبرده واقفة عفيه
واحنا بلدنا تولع عشان عيل عاكس وليه
آه لو تبدأ بنفسك بشوية أحساس بالمسؤلية...!
.¸¸❝العواجي2012❝¸¸.
العمر : 34 التقييم : 0 نقاط النشاط : 4505 عدد المشاركات : 15
تاريخ التسجيل : 16/01/2012
الدولة :
رد: مالك يا أبن بلدي قالب وشك ليه؟
الثلاثاء يناير 17, 2012 6:43 am
°l||l°مشكور اخوي°l||l°
صلاحيات هذا المنتدى:
لاتستطيع الرد على المواضيع في هذا المنتدى
